बिहारमध्ये बाराचट्टी भागात नक्षलवाद्यांचा उच्छाद; जेसीबी, ट्रॅक्टर पेटवले
By MACHHINDRANATH PAWAR | प्रकाशित: मे 02, 2019 11:33 AM 2019-02-12T14:15:30+5:30
शहर : bareilly
आता बिहारमध्ये नक्षलवाद्यांनी उच्छाद मांडला आहे. गया जिल्ह्यातल्या बाराचट्टी भागात रस्ते निर्मितीच्या कामासाठी वापरले जाणारे जेसीबी आणि ट्रॅक्टर नक्षलवाद्यांनी पेटवून दिले. यामध्ये सुदैवानं कोणतीही जीवितहानी झाली नाही. बाराचट्टीतल्या भोक्ताडीह आणि जयगीर दरम्यान बुधवारी रात्री उशिरा हा प्रकार घडला. काल रात्री उशिरा जवळपास 30 नक्षलवाद्यांनी तीन जेसीबी आणि एका ट्रॅक्टरला आग लावली. यानंतर नक्षली झिंदाबादच्या घोषणा देत ते घटनास्थळावरुन निघून गेले. यामुळे स्थानिकांमध्ये दहशतीचं वातावरण आहे. सध्या पोलीस या प्रकरणाचा तपास करत आहे. नक्षलवाद्यांचा विकासकामांना विरोध असल्यानं त्यांनी रस्त्याच्या कामासाठी वापरली जाणारी वाहने पेटवून दिली. बाराचट्टी भाग नक्षलग्रस्त म्हणून ओळखला जातो. या भागात आधीही अनेकदा नक्षलवाद्यांनी वाहने जाळली आहेत. काल गडचिरोलीत झालेल्या हल्ल्याची घटना ताजी असताना आज बिहारमध्ये नक्षलवाद्यांनी धुमाकूळ घातला.
मागे
मुळशी धरणात तिघांचा बुडून मृत्यू
मुळशी धरण परिसरात फिरण्यासाठी आलेल्या तिघा जणांचा आज सकाळी धरणात बुडून मृत....
अधिक वाचापुढे
नेहरुंच्या काळात कुंभमेळ्यात हजारो लोक मारले गेले- पंतप्रधान नरेंद्र मोदी
जवाहरलाल नेहरुंनी कुंभमेळ्याला दिलेल्या भेदीदरम्यान हजारो लोक चेंगराचें....
Read more
