वडाच्या पारावार - मत कुणाला द्यायचं ?

By DAYANAND MOHITE | प्रकाशित: ऑक्टोबर 20, 2019 08:27 PM 2019-02-12T14:15:30+5:30

शहर : मुंबई

गण्या-: मण्या,हे कागद कसले रे?

संत्या-: काल वरच्या वाडीत तू असेच कागद वाटीत व्हतास आस समजलं

मण्या-: त्याच काय हाय,आमच्या पक्षाचे उमेदवार बबनराव हाइत ना त्याचा प्रचार करीत व्हतो. तीच ही पत्रक हाइत

गण्या-: मग तुमचा उमेदवार आपल्या भागात अजून बी कसा नाय आला.

मण्या-: एवढा मोठा मतदारसंघ गल्ली-बोळात किवा प्रत्येक गावात आणि वाड्यांमध्ये घरोघरी उमेदवार जाणार कसा ? दिवस बी कमी हाइता. आचारसंहितेन टायमच बंधन घातलय.

संत्या-: पण तू पक्षाचा जुना इमानदार काय म्हणत्यात ते निष्ठावंत कार्यकर्ता,निदान तुझ्यासाठी तरी आपल्या वाडीत पायधूळ झाडायला हवी होती.

गण्या-: तू तरी तसी विनंती करायला पाहिजे होती

संत्या-: फकस्त रस्त्यावर गाडीतन तुमचा उमेदवार हात हालवित गेलाय

गण्या -: निवडून आल्यावर बी असाच हात दाखविणार की काय?

मण्या-: तुमचा कायतरी गैर समज व्हतोय बघ

संत्या-: मग तो श्यामराव बरे,अपक्ष म्हणून उभे हाइत,घरोघरी फिरतायत

गण्या-: चांगले शिकलेले बी हाइत म्हण,तुमच्या उमेदवारा सारखा डामडौल नाय.

गण्या-: आपल्या तालुक्यात त्याच काम बी हाय.कवा बी जावा त्याचा दरवाजा उघडा असतो

संत्या-:गेल्या टायमाला बबनरावला निवडून दिल्यापासून ते काय इकड तोंड दाखवायला आल नाहीत.

गण्या-: आण आता फिरतायत ते सुद्धा रथातून .

संत्या-: बाबांरवाकड कधी बी गेल तरी सायब बाहेर गेलेत,सायब मीटिंग मधी हाइत तुम्ही उद्या या

गण्या-: दुसर्‍या दिवशी बी तेच

मण्या-: माला बोलू द्याल का नाय ?

संत्या-: हा हा तू बोल.आमि काय चुकीच बोललो काय ?

गण्या –: तू तुझ्या उमेदवाराची बाजू घेणारच

संत्या-: आणि आमालाच चार गोष्टी सुनावणार

मण्या-: तुमी समजता तास नाय

गण्या-: मग कस हाय

मण्या-: पंतप्रधानांनी किती मोठा निर्णय घेतला पाकिस्तानात घुसून आपल्या जवानांनी अतिरेक्यांचे अड्डे नायसे केले.काश्मिरात ३७० हाटवल

संत्या-: नोटबंदी केल्यान बेकारी वाढली

गण्या -: जीएसटी लावल्यान उध्योग धंदे बंद पडले हे पण सांग की

मण्या-: हाही तुमचा गैर समज आहे आज जगात आपली पावर पंतप्रधानांनी वाढवली हाय

संत्या-: ही काय लोकसभेची निवडणूक हाय ?

गण्या-: ते जाऊ दे पण आता निवडणुकीला उभा असलेल्या तुमच्या उमेदवारानं पाच वर्षात आपल्या भागात काय काम केल ते सांग

संत्या-: आपल्या मतदार संघाच्या विकासासाठिकिती पैसा आणला ?

गण्या-: काय काय सुधारणा केल्या?

संत्या-: कोणाची किती काम केली?

गण्या-: गावातील दवाखाने शाळा सुधारल्या काय ? रस्ते चांगले केले काय?

संत्या-: पाण्यासाठी गावागावात बायका पोरी आज बी वणवण करतात

गण्या-: तुझ्या बापाच आणि त्या रमा काकच मिलकामगारांच घर मिळालं काय

संत्या-: मुंबईत तुझी बहीण झोपडपट्टीत राहती तीला घर मिळणार व्हत मिळालं काय?

गण्या-: निवडणूक आल्यावर काय करणार

मण्या-: तेच तर या पत्रकात हाय,ते वाचा मग प्रश्न ईचारा

संत्या-: मण्या हा पक्षाचा जाहीरनामा हाय,आम्ही तुला जे ईचारल ते मागच्या येळेच्या तुमच्या अशाच जाहीरनाम्यात व्हत

गण्या-: त्या जाहीरनाम्यातली काम नाय केली मग हयातली काय करणार

संत्या-: मण्या,हा पक्षाचा जाहीरनामा हाय.पण या उमेदवारानं केलेल्या पाच वर्षाच्या कामाचा आणि मतदारसंघात पुढे काय करणार ते सांगायला हाव

मण्या-:सत्तेवर आल्यावर एका मतदारसंघाचा इचर नाय करता येत,राज्याचा ईचार करायचा असतो.

गण्या-: मान्य आहे, मग या आमदाराचा फंड गेला कुठ?की त्यान त्याचा वापरच केला नाय?

संत्या-: हे कळायला नको काय ?

गण्या-: तर त्यांना मत देणार.

संत्या-: नायतर अपक्ष चा पर्याय हायच की

गण्या -: तो बी चांगला नसल तर नोटा हायच

मण्या-: ही लोकशाही आहे.तुमी काय ते ठरवा.पण पुढच्या पाच वर्षात आपल्या मतदार संघात अनेक चांगले प्रकल्प सुरू व्हणार हाइत हे लक्षात घ्या

गण्या-: सत्तेवर आलात तर ना

संत्या-: हे बोलणं संपणार नाय,आपण सर्वांना मत द्यायला तयार करूया. पुढचं पुढ बघू लोक ठरवतील काय ते