अंधेरीत उदयोन्मुख अभिनेत्रीची आत्महत्या
By Sudhir Shinde | प्रकाशित: ऑगस्ट 30, 2019 12:38 PM 2019-02-12T14:15:30+5:30
शहर : मुंबई
अंधेरीतील लोखंडवाला परिसरातील केनवूड सोसायटी इमारतीच्या टेरेसवरुन उडी मारून पर्ल पंजाबी या उदयोन्मुख अभिनेत्रीने आत्महत्या केल्याची दुर्दैवी घटना घडली आहे. आईसोबत झालेल्या वादानंतर तिने हा टोकाचा निर्णय घेतल्याचे म्हटले जात आहे.
केनवूड सोसायटीत राहणारी पर्ल पंजाबी चित्रपटसृष्टीत काम मिळविण्यासाठी धडपडत होती. तिचे आपल्या आईबरोबर पटत नव्हते, अशी चर्चा आहे. यापूर्वीही दोन वेळा तिने आत्महत्या करण्याचा प्रयत्न केला होता. यावेळी तिने इमारतीच्या टेरेसवरुन उडी मारल्याचे कळताच रहिवाशी तेथे गोळा झाले. त्यांनी जबर जखमी झालेल्या पर्लला कोकिलाबेन रुग्णालयात दाखल केले. मात्र उपचारादरम्यान तिचा मृत्यू झाला. या प्रकरणी ओशिवरा पोलिस अधिक तपास करीत आहेत.
मागे
'आरारारा.....खतरनाक' प्रवीण तरडे बचावले
'मुळशी पॅटर्न' या गाजलेल्या चित्रपटाचे प्रसिद्ध लेखक दिग्दर्शक प्रवी....
अधिक वाचा
