बदलापूरात केमिकल कंपनीत स्फोट : एकाचा मृत्यू तर २ जखमी
By NITIN MORE | प्रकाशित: जानेवारी 22, 2020 12:48 PM 2019-02-12T14:15:30+5:30
शहर : ठाणे
ठाणे : बदलापूरमध्ये एमआयडीसीत के. जे. रेमेडीज या केमिकल कंपनीत आज सकाळी ९ वाजताच्या दरम्यान ड्रायरचा स्फोट झाल्याची घटना घडली आहे. यामध्ये एका कामगारचा मृत्यू तर २ कामगार जखमी झाले आहेत. ड्रायरच्या स्फोटानंतर आजुबाजूचा परिसरात दूरपर्यंत आवाज ऐकू आला.
स्फोटामुळे कंपनीला आग लागल्यामुळे कंपनीतले काही सामान जळून खाक झाले आहे. या घटनेची माहिती मिळताच अग्निशमन दलाच्या गाड्या तातडीने दाखल झाल्या. अग्निशमन दलाच्या जवानांनी आगीवर नियंत्रण मिळवत कंपनीत अडकलेल्या कामगारांना बाहेर काढण्यात यश आले. जखमी झालेल्या कामगारांना ताबडतोब जवळच्या रुग्णालयात दाखल करण्यात आले.
पालघर स्फोट
काही दिवसांपूर्वी असाच एक स्फोट पालघरच्या तारापूर क्षेत्रातील ए.एन.के. फार्मा कंपनीत झाला होता. या स्फोटात ७ जणांचा मृत्यू तर ७ जण अत्यंत गंभीर जखमी झाले होते. स्फोट इतका प्रचंड होता की याचा आवाज ५ किमीपर्यंत एकू आला.
मागे
येवले चहात भेसळ असल्याचे सिद्ध
पुणे – अगदी कमी वेळातच चहाप्रेमींमध्ये प्रसिद्ध झालेल्या ‘येवल....
अधिक वाचापुढे
शिक्षक पात्रता परीक्षेच्या प्रश्नपत्रिकेत घोळ
पुणे - शिक्षकांची पात्रता ठरवणाऱ्या परीक्षेची प्रश्नपत्रि....
Read more
