गावचा पाणीप्रश्न जीवावर बेतला, तीन मजुरांचा गुदमरुन मृत्यू

By MACHHINDRANATH PAWAR | प्रकाशित: एप्रिल 29, 2019 06:24 PM 2019-02-12T14:15:30+5:30

शहर : लातूर

लातूरमधील आलमला  या गावात एक धक्कादाखक प्रकार घडला आहे. गावातल्या एका बुजवलेल्या विहिरीत सिमेंटचा पाईप टाकून एक आड तयार करण्यात आला आहे. हा आड साफ करण्यासाठी गेलेल्या सहा मजुरांना आडातील विषारी वायूचा सामना करावा लागला. या घटनेत आडात उतरलेल्या तीन मजुरांचा जागीच गुदमरुन मृत्यू झाला आहे. तर दोन मजूर स्वतःचे प्राण वाचवून विहिरीतून बाहेर पडले. या दोघांवर लातूरमधील दवाखान्यात उपचार सुरु आहेत.
लातूर जिल्ह्यात पाणी टंचाईचा प्रश्न गंभीर बनला आहे. ज्या ठिकाणी पाणी उपलब्ध आहे. तिथे पाणी मिळवण्यासाठी लोकांची धडपड सुरु आहे. परंतु पाण्यासाठीची ही धडपड लोकांच्या जीवावर बेतत आहे. आडात बर्‍याच महिन्यांपासून गाळ साचला आहे.
मजुरांनी गाळ भरण्यासाठी एक टोपले नेले होते. गाळ टोपल्यात भरायला सुरुवात केल्यानंतर विषारी वायू बाहेर येऊ लागल्याने वायूमुळे खाली उतरलेल्या तीन मजुरांचा गुदमरून मृत्यू झाला आहे. तर आडाच्या वरच्या बाजूला उभ्या असलेल्या मजुरांना विषारी वायूचा त्रास होऊ लागल्यानंतर ते दोघे आडाच्या बाहेर आले. वर येत असताना त्यांनादेखील या वायूचा त्रास झाला. त्यामुळे त्या दोघांना दवाखान्यात दाखल करण्यात आले आहे.

मागे

माटुंग्यातील बीग बाजारमध्ये भीषण आग

मुंबईतील माटुंग्याच्या पश्चिम भागातील बिग बाझारमध्ये भीषण आग लागली आहे. या....

अधिक वाचा

पुढे  

स्पाईस जेटचे विमान धावपट्टीवरून घसरले, सुदैवाने मोठा अनर्थ टळला

शिर्डीमध्ये स्पाइस जेटचे विमान उतरत असताना धावपट्टीवरून घसरल्यामुळे प्रव....

Read more