पालिकेच्या माध्यमिक शाळांतील शिक्षकांना 7 वा वेतन आयोग
By Sudhir Shinde | प्रकाशित: सप्टेंबर 14, 2019 06:31 PM 2019-02-12T14:15:30+5:30
शहर : मुंबई
केंद्र आणि राज्यसरकारी कर्मचारी तसेच मुंबई महानगर पालिकेच्या कर्मचारी आणि अधिकार्‍यानी 7 व्या वेतन आयोगानुसार वेतन वाढ लागू झाली आहे. मात्र महापालिकेच्या शिक्षण विभागाच्या अखत्यारीतील माध्यमिक शाळांमधील 1 हजार 450 शिक्षक 7व्या आयोगापासून वंचित होते. आता या शिक्षकांना पुढील महिन्यापासून म्हणजेच ओक्टोबर पासून 7 वा वेतन आयोग लागू करण्याचा महत्वपूर्ण निर्णय शिक्षण समितीच्या बैठकीत घेण्यात आला आहे.
या निर्णयानुसार महापालिकेच्या माध्यमिक शाळांमधील शिक्षकांना ओक्टोबरच्या पगारापासून 7 वा वेतन आयोग तसेच थकबाकी देण्याचे निर्देशही शिक्षण विभागाला देण्यात आले आहेत.
पालिका कर्मचार्‍यांना लागू करण्यात आलेल्या सर्व सोयी सुविधा पालिकेच्या शाळांमधील शिक्षक आणि कर्मचार्‍यांना देण्यात येतात. परंतु माध्यमिक शाळांमधील शिक्षकांना 7 वा वेतन आयोग लागू करण्यासाठी पालिकेच्या कर्मचारी विभागाणे नकारात्मक अहवाल दिल्याचे शिक्षण विभागाकडून सांगण्यात आले. तर या शिक्षकांनाही 7 वा वेतन आयोग त्वरित लागू करण्याची मागणी शिवसेना नगरसेविका शीतल म्हात्रे यांनी शिक्षण समितीच्या बैठकीत लावून धरली.
यावर माध्यमिक शाळांमधील शिक्षकांना त्वरित 7 वा वेतन आयोग लागू करण्याचे निर्देश शिक्षण समिती अध्यक्ष अंजली नाईक यांनी शिक्षण विभागाला दिले.
मागे
कर्मचार्‍यांच्या संपामुळे 4 दिवस बँका बंद राहणार
या महिन्याअखेरीस दि. 26 व 27 सप्टेंबरला बँक कर्मचार्‍यांच्या चार संघटनांनी स....
अधिक वाचापुढे
महाराष्ट्रातील आठ केंद्रीय संस्थांना हिंदी राजभाषा पुरस्कार
दैनंदिन व्यवहारात राष्ट्रभाषा हिंदीचा प्रभावी वापर केल्याबद्दल महाराष....
Read more
