शिवजयंतीवर शिवसेनेचे आणखी एक लोटांगण, भाजप प्रवक्ते केशव उपाध्येंची टीका

By DAYANAND MOHITE | प्रकाशित: फेब्रुवारी 12, 2021 11:13 AM 2019-02-12T14:15:30+5:30

शहर : मुंबई

राज्य सरकारने कोरोनाच्या पार्श्वभूमीवर शिवाजी जयंती उत्सावानिमित्ताने काही निर्बंध जाहीर केले आहेत. यावरुन भाजपने ठाकरे सरकारवर सडकून टीका केलीय. भाजपचे प्रमुख प्रवक्ते केशव उपाध्ये यांनी शिवसेनेने शिवजयंतीवर निर्बंध लादून आणखी एक लोटांगण घेतल्याची टीका केलीय. “सत्तेसाठी शिवसेनेने अनेकदा काँग्रेस-राष्ट्रवादी पुढे लोटांगण घातले आहे. आता शिवजयंती साजरी करण्यावर बंधने घालून शिवसेनेने ‘घालीन लोटांगण, वंदीन चरण’ चा नवा प्रयोग सादर केला आहे,” अशी टीका भाजप प्रदेश मुख्य प्रवक्ते केशव उपाध्ये यांनी केली आहे (BJP leader Keshav Upadhye criticize Thackeray Government).

केशव उपाध्ये म्हणाले, “छत्रपती शिवाजी महाराजांची जयंती साजरी करण्यास निर्बंध घालणाऱ्या महाआघाडी सरकारने आपला खरा ‘रंग’ दाखवला आहे. हिंदू समाजाबाबत प्रक्षोभक वक्तव्य करणाऱ्या शर्जिल उस्मानीला अटक करण्यास महाआघाडी सरकार टाळाटाळ करते. सत्ता टिकवण्यासाठी शिवरायांचे नाव घेऊन राजकारण करणाऱ्या शिवसेनेने ‘घालीन लोटांगण’चा आणखी एक प्रयोग महाराष्ट्रात सादर केला आहे.”

“शिवाजी महाराजांच्या महाराष्ट्रात शिवजयंती साजरी करण्यावर राज्य सरकारकडून अनेक निर्बंध घालण्यात आले आहेत. पोवाडे, बाईक रॅली, मिरवणूका यावर आघाडी सरकारने अनेक निर्बंध घातले आहेत. दारूची दुकाने, नाईटलाईफ, बार सुरु करण्यास परवानगी देताना सरकार गर्दीचा विचार करत नाही. परंतु छत्रपती शिवाजी महाराज यांची जयंती साजरी करण्यात कोरोनाच्या नावाखाली अनेक अडचणी आणल्या जात आहेत,” असं केशव उपाध्ये म्हणाले.

“धार्मिक भावना भडकवणाऱ्या एल्गार परिषदेला परवानगी देताना आघाडी सरकार मागे पुढे पहात नाही. मात्र शिवजयंती राज्यकर्त्यांच्या डोळ्यात का खुपते?” असा सवालही उपाध्येंनी ठाकरे सरकारला विचारलाय.

मागे

राज्यात पुन्हा 4 दिवस अवकाळी पावसाचा अंदाज

शेतकरी आणि फळ बागायतदारांसाठी महत्त्वाची बातमी आहे. पुढच्या काही दिवसांमध�....

अधिक वाचा

पुढे  

चामोलीत 36 मृतदेह बाहेर काढले, ड्रिलिंगसाठी एक्सावेटर मशीन मागवली; रेस्क्यू ऑपरेशन सुरूच

धौलीगंगा नदीचा जलस्तर काल गुरुवारी पुन्हा वाढला. त्यामुळे गेल्या चार दिवसा....

Read more