खाजगी लँबमधून येणाऱ्या कोरोना टेस्टच्या अहवालात घोळ
By DAYANAND MOHITE | प्रकाशित: एप्रिल 01, 2020 07:13 PM 2019-02-12T14:15:30+5:30
शहर : मुंबई
खाजगी लँबमधून येणाऱ्या कोरोना टेस्टच्या अहवालात घोळ समोर आला आहे. यामुळे शासनानं मेट्रोपोलिस या खाजगी लँबला नोटीस पाठवली आहे. चुकीचे अहवाल दिल्यानं खाजगी लँबची टेस्ट करण्याची परवानगी तात्पुरती रद्द करण्यात आली आहे.
मेट्रोपॉलिस या खाजगी लँबच्या अहवालांमध्ये अनियमीतता आढळल्यानं शासनानं लँबला नोटीस दिली आहे. अपुरे टेस्ट किट आणि अहवालांमध्ये अनियमीतता आढळल्याने ही कारवाई करण्यात आली आहे.
कोरोनाची टेस्ट करण्यासाठी सरकारी लँबसह ८ खाजगी लँबला परवानगी दिली होती. असे असले तरीही खाजगी लँब कडून आलेले रिपोर्ट पुन्हा तपासले जातात.
शासनाकडून केलेल्या पुर्नतपासणीत खाजगी लँबच्या अहवालात काही तफावत आढळून आली. कोरोना पॉझिटीव्ह रुग्णांचे अहवाल निगेटिव्ह तर निगेटिव्ह रुग्णांचे अहवाल नंतर पॉझिटीव्ह आढळले. मेट्रोपोलिस या लँबच्या टेस्टमध्ये हा गोंधळ दिसून आला. त्यामुळे त्यांचे काम तूर्तास थांबवले आहे.
मागच्या २४ तासांत देशामध्ये ३८६ कोरोना रुग्णांची नोंद झाल्याची धक्कादायक माहिती समोर आली आहे. यामुळे देशात कोरोनाग्रस्तांची संख्या १६३७ वर पोहोचल्याची माहिती केंद्रीय आरोग्य मंत्रालयाने नुकतीच दिली आहे. हे भयानक वास्तव पाहता सामाजिक, धार्मिक कार्यक्रम टाळा असे आवाहन देखील आरोग्य विभागातर्फे करण्यात आले आहे. भारत नक्की ही लढाई जिंकेल असा विश्वास देखील व्यक्त करण्यात आला आहे.
मागे
देशात 'कोरोना'चे रुग्ण 16 दिवसात 16 पट, बारा तासात 240 कोरोनाग्रस्तांची वाढ
भारतात गेल्या 16 दिवसांमध्ये ‘कोरोना’च्या रुग्णांमध्ये 16 पट वाढ झाल्याच....
अधिक वाचापुढे
मास्क न वापरल्याने राज्यात पहिला गुन्हा दाखल
कोरोनाचे सावट साऱ्या देशावर घोंघावत आहे. दिवसागणिक कोरोनाग्रस्तांच्या सं....
Read more
