महाराष्ट्रात 25 ठिकाणी धाडी, 1.50 कोटींचे बनावट मास्क आणि सॅनिटायझर्स जप्त, प्रशासनाची धडक कारवाई
By DAYANAND MOHITE | प्रकाशित: मार्च 20, 2020 09:55 PM 2019-02-12T14:15:30+5:30
शहर : मुंबई
राज्यात अनेक ठिकाणी कोरोना विषाणुचा प्रादुर्भाव वाढू नये यासाठी उपयोगात येणाऱ्या बनावट मास्क आणि सॅनिटायझर्सची विक्री सुरु आहे. अनेक ठिकाणी विनापरवाना विक्रीही होत आहे. त्यावर अन्न व औषध प्रशासन विभागाने धडक कारवाई सुरु केली आहे आतापर्यंत राज्यातील विविध भागात 25 धाडी टाकून सुमारे दीड कोटी रुपयांचा मुद्देमाल जप्त करण्यात आला आहे, अशी माहिती अन्न व औषध प्रशासन मंत्री डॉ. राजेंद्र शिंगणे यांनी दिली आहे.
मास्क आणि सॅनिटायजर्सच्या तपासणी व शोध कार्यात अमरावती, औरंगाबाद, बृहन्‍मंबुई, कोकण विभाग, नाशिक नागपूर, पुणे विभाग, गुप्तवार्ता मुख्य व इतर विभाग यांच्यामार्फत या कारवाई करण्यात आल्या. आतापर्यंत 2 हजार 604 ठिकाणी तपासणी करण्यात आली. यात विनापरवाना उत्पादित सॅनिटायजर्स, मुदतबाह्य सॅनिटायजरवर नवीन मुदतीचं लेबल चिटकवून विक्री करण्यात आल्याचे प्रकार समोर आले. त्याचप्रमाणे अवैधरित्या वस्तूंचं उत्पादन आणि खरेदी बिलं सादर न करता मालाची विक्री असेही प्रकार समोर आले. या प्रकारांची अनियमितता लक्षात आल्यानंतर प्रशासनाने कारवाईचा बडगा उगारला आहे.
आतापर्यंत राज्यभरात अन्न आणि औषध प्रशासनाने पोलिसांच्या मदतीने 25 धाडी टाकल्या. यात अंदाजे 1 कोटी 47 लाख 54 हजार 559 रुपयांचा मुद्देमाल जप्त करण्यात आला. त्याच बरोबर कोरोना आजार दूर करणारे आयुर्वेदिक औषधे आणि कोरोना प्रतिबंधक गाद्या या प्रकारच्या खोट्या जाहिराती करणारे, विक्री करणारे आणि या प्रक्रियेत सहभागी असणाऱ्यांवरही कायदेशीर कारवाई करण्यात आली आहे.
कोरोना विषाणुच्या प्रतिबंधक उपाय योजनांच्या पार्श्वभूमीवर अन्न व औषध विभागाला सतर्क राहून कारवाई करण्याचे आदेश देण्यात आले आहेत. यासंदर्भात नुकतीच सर्व औषध विक्रेत्यांसोबत बैठक घेण्यात आली होती. या बैठकीत ग्राहकांना सॅनिटायजर्स आणि मास्क योग्य त्या किमतीत उपलब्ध करून देण्याच्या सूचना देण्यात आल्या आहेत. येत्या काही दिवसात सर्व दुकानांवर मास्क आणि सॅनिटायझर उपलब्ध होतील. नागरिकांनी शासनाच्या सूचनांचे पालन करावे. आपल्या तसेच आपल्या आजुबाजूच्या लोकांच्या आरोग्याची काळजी घ्यावी, असं आवाहनही डॉ. शिंगणे यांनी केलं आहे.
मागे
रेशन दुकानांना तीन महिन्यांचे धान्य, कांदे-बटाटे देण्याचे राज्य सरकारचे निर्देश
राज्यात कोरोना बाधितांची संख्या वाढत आहे. ५२ वर कोरोना बाधितांची संख्या झा....
अधिक वाचापुढे
हातावर क्वारंटाईनचा शिक्का, तरीही भटकंती, कारवाईसाठी पथक घरी पोहोचताच 4 संशयित रुग्ण पसार
विदेशातून येणाऱ्या भारतीय नागरिकांना 14 दिवस म्हणजेच दोन आठवडे घरातच राहण्....
Read more
