Gold Rate: सोन्याच्या दरांची प्रति तोळा 60 हजारांकडे वाटचाल
By DAYANAND MOHITE | प्रकाशित: ऑगस्ट 06, 2020 05:28 PM 2019-02-12T14:15:30+5:30
शहर : मुंबई
सोन्याचे भाव आकाशाला भिडत आहेत. बुधवारी एमसीएक्समध्ये 10 ग्रॅम सोन्याची किंमत वाढून 55,225 रुपये झाली. स्पॉट मार्केटमध्ये ते प्रति 10 ग्रॅम 56 हजार रुपयांवर पोहचले आहे. दहा ते पंधरा दिवसांत सोनं 60 हजार रुपयांपर्यंत पोहोचू शकते असा अंदाज वर्तविला जात आहे. सोन्याबरोबरच चांदीची किंमतही झपाट्याने वाढत आहे आणि या वर्षाच्या अखेरीस त्याची किंमत एक लाख रुपयांपर्यंत पोहोचू शकते.
जगभरातील आर्थिक अस्थिरतेमुळे, गुंतवणूकदार सुरक्षित गुंतवणूक म्हणून सोन्यामध्ये आपली गुंतवणूक वाढवत आहेत. परंतु त्याची वाढणारी किंमत किरकोळ खरेदीदारांना अडचणीत आणत आहे. सामान्य ग्राहक यापुढे सोने खरेदी आता सक्षम नाहीत. सोने व सोन्याचे दागिने वापरणारा भारत हा दुसर्‍या क्रमांकाचा देश आहे.
सोने अजूनही गुंतवणूकदारांसाठी मुख्य साधन आहे. आंतरराष्ट्रीय आणि देशांतर्गत अर्थव्यवस्था अस्थिर आहे. रिअल इस्टेट आणि शेअर बाजाराची परिस्थिती वाईट आहे. त्यामुळे गुंतवणूकदारांचे संपूर्ण लक्ष सोन्याच्या गुंतवणूकीवर आहे.
पण किरकोळ खरेदीदारांना सोनं खरेदा करणं आता कठीण झालं आहे. यामुळे दागिन्यांची मागणी सतत कमी होत आहे. डॉलरच्या तुलनेत रुपयाच्या दुर्बलतेमुळे त्याचे दरही वाढले आहेत. सणासुदीच्या हंगामात सोन्याच्या किंमतीत आणखी वाढ होण्याची शक्यता असल्याचे तज्ज्ञांचे मत आहे. त्यामुळे सध्या दागिन्यांच्या किंमतीत कपात होण्याची कोणतीही शक्यता नाही. सोने-चांदीने यंदा अनुक्रमे 40 आणि 50 टक्के गुंतवणूकदारांना परतावा दिला आहे.
मागे
खासदार नवनीत कौर राणा यांना कोरोनाची लागण
अमरावतीच्या खासदार नवनीत कौर राणा यांचा कोरोना रिपोर्ट पॉझिटिव्ह आला आहे . ....
अधिक वाचापुढे
कोल्हापुरात पंचगंगा नदीने धोक्याची पातळी ओलांडली,पूरपरिस्थिती गंभीर होण्याची भीती
पंचगंगा नदीने धोक्याची पातळी ओलांडल्यामुळे कोल्हापूर जिल्ह्यातील पूरपरि....
Read more
