भारतीय रेल्वेकडून परिस्थितीचं गांभीर्य सांगणारं ट्विट, लोकांना केलं भावनिक आवाहन
By DAYANAND MOHITE | प्रकाशित: मार्च 24, 2020 11:36 AM 2019-02-12T14:15:30+5:30
शहर : देश
कोरोना विषाणूमुळे देशात भीतीचे वातावरण आहे. देशातील 30 राज्यात लॉकडाऊन आहे, अनेक जिल्ह्यात कर्फ्यूही लागू करण्यात आला आहे. प्रथमच एवढ्या मोठ्या संख्येने लोकांना घरात राहण्यास सांगितले जात आहे. कोरोनाच्या भीतीने भारतीय रेल्वेही बंद आहे, म्हणून आता रेल्वे मंत्रालय लोकांना घराबाहेर पडू नये म्हणून आवाहन करीत आहे. ज्या प्रकारे रेल्वे मंत्रालयाने ट्विट करत आवाहन केलं आहे. त्यावरुन परिस्थितीचं गांभीर्य खरंच लक्षात येतं.
सोमवारी रात्री रेल्वे मंत्रालयाने ट्विट करत म्हटलं की, 'भारतीय रेल्वे युद्धकाळातही थांबली नाही. कृपया परिस्थितीचं गांभीर्य समजून घ्या. आपल्या घरीच थांबा.'
देशाच्या इतिहासात प्रथमच प्रवासी रेल्वे थांबविण्यात आली आहे. सर्व गाड्या रद्द करण्यात आल्या आणि फक्त मालगाड्या चालविण्यास परवानगी आहे. अशा परिस्थितीत, रेल्वे आता लोकांना सांगत आहे की आपण घरीच राहावे.
केवळ रेल्वे सेवाच नाही तर देशातील विविध शहरांमध्ये सुरू असलेली मेट्रोही बंद झाली आहे. दिल्ली, नोएडा, कोलकाता, बंगळुरू, मुंबई, कोची, नागपूर आणि इतर मेट्रो सेवा 31 मार्चपर्यंत बंद आहेत.
भारतीय रेल कभी युद्धकाल में भी नहीं रुकी
कृपया परिस्थितियों की गम्भीरता समझिए
घर में ही रहिये।
मागे
संचारबंदीनंतर राज्यातल्या शहरांत अशी आहे स्थिती
जमावबंदी आदेश लागू करूनही त्याचा उपयोग होत नसल्यानं राज्य सरकारनं मध्यरात....
अधिक वाचापुढे
वांद्र्यात तब्बल 14 कोटी रुपयांचा मास्कसाठा जप्त
कोरोना विषाणूंचा प्रादुर्भाव टाळण्यासाठी नागरिकांनी मास्क घालून सार्वजन....
Read more
