महात्मा बसवेश्वर अध्यासन केंद्र सोलापूर विद्यापीठात स्थापणार

By Sudhir Shinde | प्रकाशित: सप्टेंबर 10, 2019 06:38 PM 2019-02-12T14:15:30+5:30

शहर : मुंबई

महात्मा बसवेश्वर यांचे तत्त्वज्ञान अभ्यासण्यासह त्याच्या सध्याच्या काळातील प्रासंगिकतेसंदर्भात संशोधन करण्यासाठी सोलापूर येथील पुण्यश्लोक अहिल्याबाई होळकर सोलापूर विद्यापीठात महात्मा बसवेश्वर अध्यासन केंद्र स्थापन करण्यास आज झालेल्या मंत्रिमंडळाच्या बैठकीत मान्यता देण्यात आली.

पुण्यश्लोक अहिल्याबाई होळकर सोलापूर विद्यापीठात नवीन पदनिर्मिती न करण्याच्या अधीन राहून 2019-20 या वर्षापासून या केंद्राची स्थापना करण्यात येणार आहे. या केंद्राच्या माध्यमातून महात्मा बसवेश्वर यांचे तत्त्वज्ञान अभ्यासण्यासह समकालासंदर्भात त्याच्या प्रासंगिकतेचे अन्वेषन करण्यात येणार आहे. तसेच भारतातील जात इतिहास, सामाजिक-सांस्कृतिक समता, धर्म आणि समाज, पितृसत्ता आणि स्त्रिया, जात आणि शिक्षण, नव्या सामाजिक चळवळी, जात, संस्कृती आणि वर्चस्व आदी क्षेत्रात संशोधन करण्यात येणार आहे. त्याचप्रमाणे या अध्यासन केंद्राचे उपक्रम आणि कार्यक्रमांद्वारे तरुण पिढीला महात्मा बसवेश्वरांचे तत्त्वज्ञान आणि त्यांची सध्याच्या काळातील प्रासंगिकतेची माहिती करुन देण्यात येणार आहे.

मागे

दहशतवाद्द्यांना मदत करणार्‍या 8 जणांना अटक

जम्मू काश्मिरातील बारामुल्ला जिल्ह्यातील दहशतवाद्द्यांना मदत करणार्‍या....

अधिक वाचा

पुढे  

सासूच्या पार्थिवाला चार सुनानी दिला खांदा

बीड मध्ये काल प्रेमळ सासूच्या पार्थिवाला चार सुनानी खांदा दिल्याचे अनोखे द....

Read more