फडणवीसांशीही बोललो, मी सांगतो, जिम ओपन करा, राज ठाकरेंनी दंड थोपटले
By SHEETAL CHAVAN | प्रकाशित: ऑगस्ट 11, 2020 12:07 PM 2019-02-12T14:15:30+5:30
शहर : मुंबई
महाराष्ट्रात जवळपास साडेचार महिने जिम बंद असल्याने व्यायामप्रेमी आणि जिम व्यावसायिकांचा रोष वाढत आहे. ठाकरे सरकारकडे हा मुद्दा उचलून धरावा यासाठी जिम व्यावसायिक आणि बॉडीबिल्डर्सनी मुंबईत मनसे अध्यक्ष राज ठाकरे यांची भेट घेतली. “जिम ओपन करा, बघू काय होतं” असा सल्ला यावेळी राज ठाकरे यांनी दिला.
“विरोधीपक्ष नेते देवेंद्र फडणवीस यांच्याशीही माझं बोलणं झालं. त्यांचंही म्हणणं आहे की जिम सुरु झालं पाहिजे. आता मी सांगतोय, ओपन करा, जिम सुरु करा, ज्याला यायचं आहे, तो जिमला येईल. बघू काय होतंय” असे राज ठाकरे जिम चालक-मालक यांच्या भेटीनंतर म्हणाले.
“किती दिवस लॉकडाऊनमध्ये काढणार आहात? प्रत्येक जण आपली काळजी घ्या, प्रत्येकाची काळजी घ्या. केंद्राने गाईडलाईन्स दिल्या आहेत, त्या पाळून काळजी घ्या” असे आवाहन राज यांनी केले.
“मी टेनिस खेळायला सुरुवात केली”
“गोल्फ आणि टेनिस यापेक्षा जास्त फिजिकल डिस्टन्स काय असू शकतो? मधू इथे आणि चंद्र तिथे. मी खेळायला सुरुवात केली, काय होतंय बघूया.. माझं तुम्हाला म्हणणं आहे काय कारवाई करणार? मार्केट सुरु आहेत सगळे. हा सगळा मूर्खाचा बाजार सुरु आहे. बाकी सगळ्या गोष्टी सुरु आहेत.” असे राज ठाकरे म्हणाले.
“केंद्र सांगतं जिम सुरु करा, विमानतळ सुरु करायला सांगितलं, राज्य म्हणतं आम्ही नाही करणार, मग राज्याला काही वेगळी अक्कल आहे का?” असा सवालही त्यांनी विचारला.
“पहिलं मला सांगा, जिम सुरु केल्यानंतर काळजी कशी घेणार?” असा प्रश्न राज ठाकरे यांनी विचारल्यानंतर जिम मालकांनी “कार्डिओ बंद करणार, सॅनिटायझेशन, एक तासाची एक बॅच अशा पद्धतीने सुरु करणार” असे सांगितले.
मागे
कोरोना निगेटिव्ह असणाऱ्या प्रवाशांना कोकणात जाण्यासाठी एसटी बसेस उपलब्ध
गणेशोत्सवासाठी कोकणात जाण्यासाठी चाकरमान्यांची लगबग सुरु झाली आहे. यंदाच....
अधिक वाचापुढे
घराचं वीज बिल 40 हजार, MSEB च्या फेऱ्या मारुनही कपात नाही, जाळून घेत आत्महत्या
लॉकडाऊनच्या काळात प्रत्यक्ष वीज मीटर रिडिंग न घेता अंदाजे काढण्यात आलेल्य....
Read more
