भारतीय संविधानाविषयीच्या रंजक गोष्टी वाचून व्हाल थक्क
By DAYANAND MOHITE | प्रकाशित: नोव्हेंबर 26, 2019 01:11 PM 2019-02-12T14:15:30+5:30
शहर : मुंबई
एक प्रजासत्ताक राष्ट्र म्हणून भारताची जागतिक स्तरावर ओळख करणाऱ्या संविधानाविषयी आजवर बरंच लिहिलं आणि बोललं गेलं आहे. याचं सर्वाधिक श्रेय हे भारतीय राज्यघटनेचे शिल्पकार डॉ. बाबासाहेब आंबेडकर यांना देण्यात येतं. २६ नोव्हेंबर म्हणजेच या संविधान दिनाच्या निमित्ताने याच संविधानाविषयीच्या अशा काही गोष्टी जाणून घेऊया ज्यामुळे एका लोकशाही आणि सार्वभौम राष्ट्राचे नागरिक असण्याचा तुम्हालाही अभिमान वाटेल किंबहुना या गोष्टी तुम्हालाही थक्क करुन जातील.
संविधानाची मूळ प्रत ही इंग्रजी आणि हिंदी भाषेत लिहिली गेली होती. परिणामी संविधानावर स्वाक्षरी करणाऱ्या सदस्यांना त्यांच्या दोन प्रतींवर स्वाक्षरी करावी लागली होती.
भारतीय संविधानाच्या इंग्रजी प्रतीमध्ये १,१७,३६९ शब्द आहेत. ज्यामध्ये २२ भागांमध्ये ४४४ कलम आहेत.
मोठ्या प्रमाणातील लिखित स्वरुपातील तरतुदी असणारं हे जगातील सर्वात मोठं संविधान आहे.
भारतीय संविधानाच्या दोन्ही म्हणजेच हिंदी आणि इंग्रजी प्रतींचं टंकलेखन करण्यात आलं नव्हतं. जगातील सर्वात मोठं असं हे हस्तलिखित संविधान ठरलं आहे.
संविधानाची मूळ प्रत ही प्रेम बिहारी नारायण रायजादा यांच्या हस्ताक्षरात लिहिली गेली होती. इटालिक प्रकारच्या सुलेखन प्रकारात त्यांनी संविधान लिहिलं होतं. ज्याचं प्रकाशन देहरादूनमध्ये करण्यात आलं तर, ते photolithograph 'सर्व्हे ऑफ इंडिया'कडून करण्यात आलं होतं.
हस्तलिखित संविधानाचं प्रत्येक पान हे शांतीनिकेतनच्या कलाकारांनी सुशोभित केलं होतं.
संविधानाची हिंदी आणि इंग्रजी भाषेत लिहिण्यात आलेली मूळ प्रत संसदेतील ग्रंथालयात असणाऱ्या एका पेटीत जपून ठेवण्यात आली आहे.
मागे
एसटीची शिवशाही बस दरीत कोसळली
महाराष्ट्र राज्य मार्गं परिवहन महामंडळाची एसटी शिवशाही बस कात्रज घाट ओलां....
अधिक वाचापुढे
संविधान दिनाचे महत्व!
भारतरत्न डॉ.बाबासाहेब आंबेडकर यांनी अथक परिश्रमाचे लिहिलेली भारतीय राज्य....
Read more
