कोरोनाने घेतला आणखी एक बळी,आतापर्यंत ११ जणांचा बळी

By DAYANAND MOHITE | प्रकाशित: मार्च 25, 2020 12:01 PM 2019-02-12T14:15:30+5:30

शहर : देश

कोरोना व्हायरसमुळे देशात आणखी एकाचा बळी गेला आहे. आतापर्यंत देशात ११ जणांनी कोरोनामुळे आपला जीव गमावला आहे. तामिळनाडूत मदुराईमध्ये बुधवारी सकाळी ५४ वर्षीय व्यक्तीचा कोरोनामुळे मृत्यू झाला आहे. कोरोनामुळे तामिळनाडूत झालेला हा पहिला मृत्यू अशी नोंद आहे. याबाबतची माहिती राज्याचे आरोग्यमंत्री सी. विजयभास्कर यांनी दिली आहे.

तामिळनाडूत मृत पावलेल्या या व्यक्तीला कोरोनासोबतच अनियंत्रित मधुमेह, हायपरटेंशनचा आजार होता. राजाजी रूग्णालयात या व्यक्तीचा मृत्यू झाला आहे. तामिळनाडूत कोरोनाबाधित रूग्णांची संख्या १८पर्यंत आहे. मंगळवारी आणखी सहा नवीन रूग्ण आढळले आहेत. यात तीन महिलांचा देखील समावेश आहे.

तामिळनाडू मृत्यू झालेल्या या रूग्णाचा कोणताही परदेश दौऱ्याचा इतिहास नाही. त्यांनी कोणताही प्रवास केला नव्हता याची देखील नोंद नाही. या रूग्णाला अनियंत्रित मधुमेह, हायपरटेंशनबरोबर श्र्वसनाही विकार होता. हा रूग्ण स्टेरॉइडवर गोता. आतापर्यंत देशात ११ जणांचा कोरोनाने बळी घेतला आहे.

पंतप्रधान नरेंद्र मोदींनी पुढील २१ दिवस म्हणजे १५ एप्रिलपर्यंत संपूर्ण देशात 'लॉकडाऊन' पुकारला आहे. या काळात नागरिकांना घरात राहूनच कोरोनाशी दोन हात करायचं आहे. कोरोनाचा मुळापासून नायनाट करायचा असेल तर घरात राहणं हेच सोईच आहे.

मागे

कोरोना सॅंपल निगेटिव्ह,पहिल्या दोन रुग्णांना डिस्चार्ज

पुण्यातील पहिल्या दोन रुग्णांना आज डिस्चार्ज मिळणार आहे. दोंघाचे १४ दिवसान....

अधिक वाचा

पुढे  

घरातून बाहेर पडल्यास गोळी मारण्याचे आदेश देऊ, तेलंगणाच्या मुख्यमंत्र्यांचा कठोर इशारा

कोरोना विषाणूचा वाढता प्रादुर्भाव रोखण्यासाठी पंतप्रधान नरेंद्र मोदींनी ....

Read more