मी सिग्नल मोडेन नाहीतर लोकांना उडवेन तु कोण विचारणारा? अशा उर्मट पणे बोलणार्‍या पोलिसावर कारवाई
By MACHHINDRANATH PAWAR | प्रकाशित: मे 11, 2019 12:40 PM 2019-02-12T14:15:30+5:30
शहर : मुंबई
मुंबईतील गोरेगाव परिसरातील हा व्हिडीओ आहे. या व्हिडीओमध्ये विनाहेल्मेट दुचाकी चालवणार्‍या आणि सिग्नल तोडून पुढे जाणार्‍या पोलिसाला जाब विचारला असता त्या पोलिसाची मग्रुरी भाषा समोर आली आहे. हा पोलीस विनाहेल्मेट दुचाकी चालवतो आणि सिग्नल तोडतो याबाबत एका जागरुक तरुणाने विचारणा केली असता तो पोलीस अर्वाच्च भाषेत त्या तरुणाला उत्तर देताना व्हिडीओत दिसत आहे. कायदा हा सर्वांसाठी समान असला तरीही पोलिसाची वर्दी घातली की त्यांना नियम वेगळे आहेत का असा प्रश्न हा व्हिडीओ पाहून सर्वसामान्यांच्या मनात पडेल.
पोलिसचं नियम तोडत असतील तर जाब कुणाला विचारायचा? याचं उत्तर कोणाकडे नाही. या व्हिडीओत तरुण पोलिसाला हेल्मेट कुठे आहे, तुम्ही सिग्नलही तोडला असं विचारणा केली असता त्या पोलिसाने तुला जाब विचारण्याचा अधिकार नाही, निघ इथून, मी सिग्नल मोडेन नाहीतर लोकांना उडवेन तु कोण विचारणारा? अशा उर्मट भाषेत पोलिसाने तरुणाला उत्तर दिले. या तरुणाचा हा व्हिडीओ सोशल मिडीयात चांगलाच गाजतोय.
या तरुण बाईकस्वाराने हा व्हिडीओ हेल्मेटला लावलेल्या कॅमेर्‍यात कैद केला. हा व्हिडीओ बाईकस्वार तरुणाने ट्विटवरुन आणि युट्यूबवर अपलोड करुन मुंबई पोलिसांकडे तक्रार केली. त्यानंतर तात्काळ या व्हिडीओची दखल घेत पोलिसांनी विभागीय चौकशीचे आदेश दिले. संबंधित या व्हिडीओमुळे मुंबई पोलिसांची नाचक्की झाली. अखेर व्हिडीओत वाहतुकीचे नियम तोडणार्‍या पोलीस उपनिरिक्षकाला मालाड वाहतूक पोलिस ठाण्यात बोलवून सिग्नल तोडणे आणि विना हेल्मेट गाडी चालवणे या गुन्ह्याखाली दंड भरायला सांगितले आणि त्याची पावती तक्रारदार बाईकस्वाराला पाठविण्यात आली.
मागे
मुख्यमंत्र्यांचे प्रधान सचिव आता मुंबई महापालिकेचे आयुक्त
मुख्यमंत्र्यांचे प्रधान सचिव राहिलेल्या प्रवीण परदेशी यांची मुंबई महापाल....
अधिक वाचापुढे
दिल्लीत काँग्रेसला मोठा धक्का; राजकुमार चौहान यांचा भाजपमध्ये प्रवेश
दिल्लीमध्ये लोकसभा निवडणुकीच्या मतदानासाठी अवघे काही तास बाकी असताना काँ....
Read more
