कमी किमतीत कॉलिंग आणि डेटा फ्री मिळू शकणारे बेस्ट प्लान्स; पहा ...
By VISHRANTI SHINDE | प्रकाशित: जानेवारी 02, 2020 06:37 PM 2019-02-12T14:15:30+5:30
शहर : मुंबई
नवी दिल्ली - तोट्यातून बाहेर पडण्यासाठी टेलिकॉम कंपन्यांनी दरवाढ केली होती. रिलायन्स जिओ, एअरटेल आणि व्होडाफोन, आयडियानेदेखील आपल्या दरात ४० टक्क्यांची वाढ केली होती. ही दरवाढ सुरूच राहण्याची शक्यता वर्तवण्यात आली आहे. मात्र, टेलिकॉम कंपन्यांचे असे काही प्लान्स आहेत, ज्यामध्ये ग्राहकाला कमी किमतीत कॉलिंग आणि डेटा फ्री मिळू शकतो. जाणून घेऊया १५० रुपयांपेक्षा कमी दर असणाऱ्या प्रीपेड प्लान्सविषयी...
रिलायन्स जिओ, व्होडाफोन-आयडिया एअरटेल या टेलिकॉम कंपन्यांनी ग्राहकांसाठी कमी किमतीचे प्रीपेड प्लान आणले आहेत. व्होडाफोन-आयडिया कंपनीच्या प्रीपेड प्लानमध्ये ग्राहकांना कोणत्याही नेटवर्कवर फ्री कॉलिंगची सुविधा मिळेल. तर, रिलायन्स जिओच्या प्लानमध्ये केवळ जिओ-टू-जिओ कॉलिंग सेवा मोफत दिली जाणार आहे.
एअरटेलचा १४९ रुपयांचा प्लान
एअरटेलचा १४९ रुपयांचा प्रीपेड प्लान २८ दिवसांची वैध असेल. या प्लानमध्ये ग्राहकांना अलिमिटेड कॉलिंगची सेवा देण्यात येत आहे. म्हणजेच युजर्सना कोणत्याही नेटवर्कवर फोन केल्यास कॉलिंग चार्ज आकारला जाणार नाही. या प्लानमध्ये युजर्सला २ जीबी डेटा मिळेल. याशिवाय फ्री ३०० 'एसएमएस'सह Airtel Xstream App चा एक्सेस मिळू शकतो.
व्होडाफोनचा १४९ रुपयांचा प्लान
व्होडाफोन-आयडियाच्या १४९ रुपयांच्या प्लानमध्ये युजर्सना कोणत्याही नेटवर्कवर अनलिमिटेड कॉलिंगची सुविधा देण्यात येणार आहे. या प्लान २८ दिवसांसाठी वैध आहे. व्होडाफोनच्या या प्लानमध्ये युजर्सला २ जीबी डेटा मिळतो. फ्री ३०० SMS सुविधेसह Vodafone Play ची मोफत नोंदणी करता येऊ शकते.
जिओचे १२९ व ९८ रुपयांचे प्लान
१५० रुपयांपेक्षा कमी प्लान्समध्ये रिलायन्स जिओकडून दोन प्लान ऑफर केले जातात. १२९ रुपयांचा प्लान २८ दिवसांसाठी वैध आहे. या प्लानमध्ये युजर्सना जिओ-टू-जिओ अनलिमिटेड कॉलिंगचा फायदा मिळतो. याशिवाय, अन्य कोणत्याही नेटवर्कवर फोन करण्यासाठी १ हजार नॉन-जिओ मिनिट्स मिळतात.
२ जीबी डेटासह ३०० संदेश पाठवण्याची सुविधा या प्लानमध्ये देण्यात आली आहे. तर, ९८ रुपयांचा प्लानदेखील २८ दिवसांसाठी वैध आहे. या प्लानमध्येही ग्राहकांना २ जीबीचा डेटा मिळतो. जिओ-टू-जिओ अनलिमिटेड कॉलिंगसह ३०० फ्री एसएमएसची सुविधा देण्यात येते. मात्र, अन्य नेटवर्कवरील फोनसाठी नॉन-जिओची सुविधा या प्लानमध्ये देण्यात येत नाही.
मागे
पेब किल्ल्यावर पार्टी करणार्या तरुणांना शिवभक्तांनी केली मारहाण
नववर्षाच्या स्वागतासाठी मुंबईहून आलेले ११ तरुण माथेरानच्या ....
अधिक वाचापुढे
इस्रोच्या इंजिनीअरचा दुर्दैवी मृत्यू
केरळ इस्रोमध्ये काम करणार्या एका इंजिनीअरचा अपघाती मृत्य....
Read more
