स्वत:चा नाश

By DAYANAND MOHITE | प्रकाशित: मे 25, 2019 05:06 PM 2019-02-12T14:15:30+5:30

शहर : मुंबई

एक तरुण माणूस फार छान्दिष्ट व उधळ्या होता. त्याने आपली सगळी मिळकत दारू, जुगारासारख्या व्यसनात घालविली. मग तो दरिद्री होऊन भिकार्‍यासारखा अरण्यात फिरू लागला. हिवाळ्यात एकेदिवशी चांगले कडक उन्ह पडले होते. अशावेळी तो माणूस नदीकाठी फिरत असता जवळच्या एका आंब्याच्या झाडावर एक कोकिळा बसलेली त्याने पाहिली. कडक उन्ह व कोकिळा पाहून त्याला वाटले की, खरंच उन्हाळा आला व आता पांघरुणाची काही गरज नाही, असा विचार करून त्याने आपले काही कपडे गहाण ठेवले व पैसे काढून तो आपल्या मित्राबरोबर जुगाराचा डाव खेळायला गेला. तेथे त्याने सगळे पैसे जुगारात घालविले. संध्याकाळी थंडी पडली; तेव्हा त्याला थंडीमुळे आजारपण आले. उन्हाळा असून असे कसे झाले याचे आश्चर्य करीत तो पुनः नदीवर गेला तर तेथे तो कोकीळ पक्षी थंडीने गारठून झाडाखाली मरून पडलेला त्याला दिसला. तो प्रकार पाहून तो चांगलाच शुद्धीवर आला व मग त्या पक्ष्याला म्हणाला, अरे, मी तुझ्यावर विश्वास ठेवून आपले कपडे गहाण ठेवण्याचा मूर्खपणा केला, तू मला फसवलंस आणि स्वतःचाही नाश करून घेतलास.

तात्पर्य- व्यसनी माणूस काहीवेळा इतका बेसावध असतो की, त्याला सभोवतालच्या गोष्टीचेही भान राहात नाही.

मागे

लक्ष्य गाठण्यासाठी हजारो निघतात परंतु पोहोचतो एखादाच व्यक्ती

एका गुरुचे दोन आश्रम होते. एक शहरात आणि एक गावामध्ये. गुरु शहरातील आश्रमात र�....

अधिक वाचा

पुढे  

जे भाग्यात असते तेच लाभते

एका गावात सोमिलक नावाचा कष्टाळू कोष्टी होता. तो तलम कापड विणण्यात पटाईत होत�....

Read more