बिपीन रावत यांनी राष्ट्रीय युद्ध स्मारकावर, शहिदांना वाहिली श्रद्धांजली

By VISHRANTI SHINDE | प्रकाशित: डिसेंबर 31, 2019 12:38 PM 2019-02-12T14:15:30+5:30

शहर : delhi

           नवी दिल्ली - जनरल बिपीन रावत यांची केंद्र सरकारकडून संरक्षण प्रमुखपदी (चीफ ऑफ डिफेन्स) निवड करण्यात आली असून आज लष्करप्रमुख पदावरुन ते निवृत्त झाले आहेत. जनरल बिपीन रावत यांच्या जागी लेफ्टनंट जनरल मनोज मुकुंद नरवणे यांची नियुक्ती करण्यात आली आहे. जनरल बिपीन रावत आजच संरक्षणप्रमुखपदाची सूत्रे स्वीकारणार असून याआधी त्यांनी राष्ट्रीय युद्ध स्मारकाला भेट देत शहीद जवानांना श्रद्धांजली वाहिली.

          जनरल बिपीन रावत यांना साऊथ ब्लॉक येथे गार्ड ऑफ ऑनर देण्यात आला. बिपीन रावत यांना समारोपाच्या कार्यक्रमानंतर प्रसारमाध्यमांशी बोलताना, आव्हानात्मक परिस्थितीतही खंबीरपणे कामगिरीत करणाऱ्या सैनिकांचे आभार मानले. तसंच लष्करप्रमुखपदाची सुत्रे स्विकारणाऱ्या लेफ्टनंट जनरल मनोज मुकुंद नरवणे यांना यशस्वी वाटचालीसाठी शुभेच्छा दिल्या. लेफ्टनंट जनरल नरवणे यांनी लष्करात ३७ वर्ष सेवा बजावली असून, विविध पदांवर त्यांनी काम केले आहे.

चीफ ऑफ डिफेन्स पद म्हणजे नेमकं काय ?
       तिन्ही संरक्षण दलांमध्ये समन्वय साधण्यासाठी संरक्षण प्रमुखपद (चीफ ऑफ डिफेन्स) निर्माण करण्यात आलं आहे. या पदावर सर्वात प्रथम विराजमान होण्याचा मान जनरल बिपीन रावत यांना मिळाला आहे. संरक्षणप्रमुख पदावरून सेवानिवृत्तीसाठी ६५ वर्षांची वयोमर्यादा आहे. संरक्षणप्रमुख हे संरक्षणमंत्र्यांचे मुख्य लष्करी सल्लागार असतील. संरक्षणप्रमुख पदनिर्मितीला केंद्रीय मंत्रिमंडळाने मंजुरी दिली होती. पंतप्रधान नरेंद्र मोदी यांनी स्वातंत्र्यदिनी केलेल्या भाषणात या पदनिर्मितीची घोषणा केली होती.
 

मागे

“…म्हणून मी शपथविधीला गेलो नाही”, - संजय राऊत

        मुंबई - महाविकास आघाडी सरकारचा विस्तार अखेर सोमवारी पार पडला. राज�....

अधिक वाचा

पुढे  

मंत्रीमंडळातील नवनिर्वाचित काँग्रेस मंत्री यांची सोनिया गांधींशी भेट

       नवी दिल्ली - राज्यात मंत्रिमंडळ विस्तारानंतर नवनिर्वाचित काँग्र....

Read more