ठाकरे मंत्रिमंडळाचा आज विस्तार; पहा कोण घेणार शपथ ?

By VISHRANTI SHINDE | प्रकाशित: डिसेंबर 30, 2019 10:40 AM 2019-02-12T14:15:30+5:30

शहर : मुंबई

       मुंबई - महाराष्ट्रातील शिवसेना-राष्ट्रवादी काँग्रेस-काँग्रेस महाआघाडीच्या सरकारचा आज, सोमवारी मंत्रिमंडळ विस्तार होणार असून तिन्ही पक्षांचे एकूण ३६ मंत्री शपथ घेणार आहेत. तिन्ही पक्षांनी आपापसांत कोणती खाती वाटून घ्यायची हे निश्चित झाले असले तरी पक्षांतर्गत खातेवाटपाचा घोळ मात्र रात्री उशिरापर्यंत सुरू होता. दरम्यान, मंत्रिमंडळात अपेक्षित स्थान न मिळाल्याने घटक पक्षांमध्ये नाराजीचे वातावरण असल्याचे समजते.

             विधानसभेच्या प्रांगणात दुपारी १२ वाजण्याच्या सुमारास शपथविधी सोहळा पार पडणार आहे. ठाकरे सरकारचा पहिला मंत्रिमंडळ विस्तार होणार असल्याने शपथविधी सोहळ्याची रविवारी जय्यत तयारी सुरू होती. विधिमंडळ परिसरातील पार्किंगच्या जागेतच मुख्य स्टेज आणि त्याला लागूनच भव्य मंडप उभारण्यात आला आहे. सुमारे ५०० ते ७०० आसनांची व्यवस्था करण्यात आली आहे. या मंडपामध्ये १२ पेक्षा जास्त स्क्रीन उभारण्यात आले असून विधिमंडळ परिसराला पोलिस छावणीचे स्वरूप प्राप्त झाले आहे. तर ठाकरे कुटुंबातून प्रथमच निवडून आलेले आदित्य ठाकरे यांची वर्णी मंत्रिमंडळात लागणार असल्याचे निश्चित झाले आहे.  

         शिवसेनेतून गुलाबराव पाटील, संजय राठोड, दादा भुसे, सुनील प्रभू, अनिल परब, शंभुराजे सरप्रताप सरनाईक किंवा रवींद्र फाटक, रवींद्र वायकर, अब्दुल सत्तार, तानाजी सावंत, उदय सामंत, भास्कर जाधव किंवा वैभव नाईक, आशीष जैस्वाल किंवा संजय रायमुलकर, बच्चू कडू, संजय राठोड यांना मंत्रिपद मिळतील.

         तर काँग्रेसकडून अशोक चव्हाण, विजय वडेट्टीवार, यशोमती ठाकूर, अमित देशमुख, सतेज पाटील, विश्वजित कदम, संग्राम थोपटे, वर्षा गायकवाड, प्रणिती शिंदे, के. सी. पाडवी, अमिन पटेल. तसेच राष्ट्रवादी काँग्रेक कडून अजित पवार, नवाब मलिक, दिलीप वळसे पाटील, हसन मुश्रीफ, बाळासाहेब पाटील, दत्ता भरणे, अनिल देशमुख, जितेंद्र आव्हाड, धनंजय मुंडे, राजेश टोपे, डॉ. राजेंद्र शिंगणे, डॉ. किरण लहामटे, आदिती तटकरे यांना मंत्रिपद मिळतील. 
 

मागे

'वर्षा'च्या भिंती पुन्हा युतीच्या वादात ?

          मुंबई - वर्षा बंगला देवेंद्र फडणवीसांनी रिकामा केलाय तर उद्धव �....

अधिक वाचा

पुढे  

आदित्य ठाकरे यांची मंत्रिमंडळात वर्णी

        मुंबई - आज उद्धव ठाकरे यांच्या सरकारचा लांबलेला शपथविधी पार पडत आ�....

Read more