Australia vs India | टीम इंडियाला मोठा धक्का, दुखापतीमुळे मुख्य गोलंदाज मालिकेबाहेर

By DAYANAND MOHITE | प्रकाशित: डिसेंबर 20, 2020 11:29 AM 2019-02-12T14:15:30+5:30

शहर : मुंबई

ऑस्ट्रेलियाने पहिल्या कसोटी सामन्यात टीम इंडियाचा (India vs Australia) 8 विकेट्सने पराभव केला. टीम इंडियाला या पराभवासह दुहेरी झटका लागला आहे. टीम इंडियाचा वेगवान गोलंदाज मोहम्मद शमीला ( Mohammad Shami) दुखापतीमुळे ऑस्ट्रेलियाविरोधातील कसोटी मालिकेला मुकावे लागले आहे. दुखापतीमुळे गोलंदाज इशांत शर्माला या मालिकेपासून वंचित रहावं लागलं. त्यात आता शमीच्या दुखापतीमुळे टीम इंडियाला हा मोठा झटका बसला आहे. एएनआय वृत्तसंस्थेने याबाबतचे वृत्त दिलं आहे. India vs Australia Faster Bowler Mohammad Shami out of test series due to with fractured arm

पहिल्या कसोटीतील तिसरा दिवस म्हणजेच 19 डिसेंबर. टीम इंडियाचा दुसरा डाव पत्त्यासारखा कोसळला. टीम इंडियाने अवघ्या 31 धावांवर 9 विकेट्स गमावल्या. त्यानंतर मोहम्मद शमी मैदानात आला. शमीने काही चेंडूंचा सामना केला. त्यानंतर शमीला पॅट कमिन्सच्या गोलंदाजीवर दुखापत झाली. शमीच्या उजव्या हाताच्या मनगटाला फ्रॅक्चर झालं. ही दुखापत इतकी गंभीर होती की, शमीला रिटायर्ड हर्ट घोषित करण्यात आलं. परिणामी टीम इंडियाचा डाव 36-9 वर घोषित करावा लागला. या दुखापतीमुळे शमीला ऑस्ट्रेलियाविरोधात दुसऱ्या डावात गोलंदाजीही करता आली नाही.

उजव्या हाताला फ्रॅक्चर

शमीला सामन्यादरम्यान दुखापत झाली. यानंतर काही वेळाने त्याची आवश्यक ती चाचणी करण्यात आली. या चाचणीत शमीला फ्रॅक्चर असल्याचं निदान झालं. यामुळे त्याला कसोटी मालिकेतून बाहेर पडावं लागलं. एएनआयने याबाबत माहिती दिली आहे. दरम्यान बीसीसीआयकडून अजूनही शमीच्या दुखापतीबाबत माहिती देण्यात आलेली नाही.

“शमीला या दुखापतीमुळे फार त्रास होतोय. त्याला साधी बॅट उचलण्यासाठीही त्रास जाणवतोय. वैद्यकीय तपासणीनंतरच शमीच्या दुखापतीबाबत अधिक समजेल”, अशी प्रतिक्रिया विराटने सामना संपल्यानंतर दिली होती.

शमीने ऑस्ट्रेलियाविरोधात मागील दौऱ्यात 2019-20 मध्ये शानदार कामगिरी केली होती. शमीने ऑस्ट्रेलियाविरोधातील कसोटी मालिकेत एकूण 16 विकेट्स घेतल्या. मात्र आता शमी नसणार आहे. त्यामुळे शमीच्या अनुपस्थितीत जसप्रीत बुमराह आणि उमेश यादवच्या खांद्यावर गोलंदाजीची मदार असणार आहे.

शमीच्या जागी कोणाला संधी?

शमी दुखापतीमुळे मालिकेतून बाहेर झाला आहे. त्यामुळे शमीच्या जागी बदली खेळाडूची घोषणा करण्यात आलेली नाही. मात्र शमीच्या जागी थंगारासू नटराजनला संधी मिळेल, अशी शक्यता वर्तवण्यात येत आहे. दरम्यान या मालिकेतील दुसरा सामना 26 डिसेंबरपासून खेळण्यात येणार आहे.

मागे

Australia vs India, 1st Test : टीम इंडियाला पहिला धक्का, पृथ्वी शॉ शून्यावर बाद

टीम इंडिया विरुद्ध ऑस्ट्रेलिया (Australia vs India, 1st Test) यांयांच्यात पहिला कसोटी सामना �....

अधिक वाचा

पुढे  

Australia vs India 2nd Test | “टीम इंडिया अडचणीत, मदतीसाठी द्रविडला ऑस्ट्रेलियाला पाठवा”

टीम इंडियाला पहिल्या कसोटी सामन्यात ऑस्ट्रेलियाकडून अपमानकारक पराभव (Australia v....

Read more